অনলাইন উপস্থিতিৰ সহজ নিৰ্দেশিকা

ৱেবছাইট হৈছে অনলাইনত আপোনাৰ দোকানখনৰ সম্পূৰ্ণ পৰিচয়, য'ত গ্ৰাহকে সকলো তথ্য একেলগে লাভ কৰে।

ব্যৱসায়ৰ পৰিচয়, সেৱা বা খাদ্যৰ মেনু, স্পষ্ট ফটো, ঠিকনা, খোলা থকাৰ সময় আৰু ১-ক্লিক WhatsApp বুটাম।

ছচিয়েল মিডিয়াৰ একাউণ্ট কেতিয়াবা হেৰাই যাব পাৰে, কিন্তু নিজা ৱেবছাইটটো সদায় আপোনাৰ নিয়ন্ত্ৰণত থাকে।

অত্যাধিক জটিল নকৰি সৰল আৰু ম'বাইলত সহজে খোল খোৱা পেজ ৰখাটো স্থানীয় ব্যৱসায়ৰ বাবে লাভজনক।

ডমেইন হৈছে আপোনাৰ ৱেবছাইটৰ নাম বা ঠিকনা (যেনে: yourbusiness.in), যাৰ জৰিয়তে মানুহে বিচাৰি পায়।

হোষ্টিং হৈছে সেই অনলাইন স্থান বা চাৰ্ভাৰ, য'ত ৱেবছাইটৰ ফটো আৰু তথ্য সংৰক্ষিত হৈ থাকে যাতে পেজটো খোল খায়।

ডমেইন আৰু হোষ্টিং চিৰস্থায়ী নহয়; ইয়াৰ বাবে নিৰ্দিষ্ট ম্যাদ (সাধাৰণতে ১ বছৰ) অন্তে নৱীকৰণ কৰিব লাগে।

আপুনি টেকনিকেল জটিলতা বুজিব নালাগে; আমাৰ দলে প্ৰয়োজনীয় ডমেইন বাছনি আৰু চাৰ্ভাৰ সংযোগ কৰি দিয়ে।

কোনোবাই যেতিয়া ওচৰৰ দোকান বা সেৱা বিচাৰে, গুগলে মেপৰ সহায়ত স্থানীয় দোকানসমূহ প্ৰথমতে দেখুৱায়।

দোকানৰ নাম, ফোন নম্বৰ, খোলা থকাৰ সময় আৰু মেপৰ পিন সঠিক নহ'লে গ্ৰাহক বিপাঙত পৰে।

সন্তুষ্ট গ্ৰাহকৰ প্ৰকৃত ৫-ষ্টাৰ ৰেটিং আৰু মন্তব্যই নতুন গ্ৰাহকৰ মনত তাৎক্ষণিক বিশ্বাস গঢ়ি তোলে।

দোকানৰ কাউন্টাৰত এটা Google Review QR ক'ড ৰাখক যাতে সন্তুষ্ট গ্ৰাহকে সহজে মতামত দিব পাৰে।

Facebook বা Instagram-ত আপোনাৰ কাম দেখি যাতে গ্ৰাহকে ১টা ক্লিকতে WhatsApp-ত কথা পাতিব পাৰে।

সাধাৰণ WhatsApp-তকৈ ব্যৱসায়িক নম্বৰত দোকানৰ সময়, ঠিকনা আৰু কেটালগ থাকিলে গ্ৰাহকে সন্মান কৰে।

ইনষ্টাগ্ৰামত ব্যক্তিগত একাউণ্টৰ সলনি Professional একাউণ্ট ৰাখিলে কল আৰু ইমেইল বুটাম ওলাই পৰে।

তিনিওটা প্লেটফৰ্মতে একেটা ল'গ', একেটা ফোন নম্বৰ আৰু একেটা ৱেবছাইট লিংক সংলগ্ন কৰি ৰাখক।

Facebook-ত এটা ফোন নম্বৰ আৰু মেপত আন এটা থাকিলে গ্ৰাহকে কোনটো শুদ্ধ বুজি নাপায়।

দোকানখন আচলতে বন্ধ থকা বাৰতো অনলাইনত 'Open' দেখাই থাকিলে গ্ৰাহক আহি হতাশ হৈ ঘূৰি যায়।

জিএছ ৰোড নে গণেশগুৰি—ঠিকনাটো সকলো স্থানতে একেধৰণে লিখিলে গুগল মেপতো বিচাৰি পোৱা সহজ হয়।

ফোন নম্বৰ বা স্থান সলনি হ'লে একেদিনাই ৱেবছাইট, মেপ আৰু ছচিয়েল মিডিয়াত তথ্য আপডেট কৰক।

ইন্টাৰনেটৰ পৰা ডাউনলোড কৰা ফটোতকৈ আপোনাৰ দোকানৰ ভিতৰৰ বা আচল খাদ্যৰ ফটোৱে বেছি বিশ্বাস জন্মায়।

ৰেষ্টুৰেণ্টৰ সুস্বাদু খাদ্য, চেলুনৰ হেয়াৰ কাট, মেকআপৰ ব্ৰাইডেল লুক বা বেকাৰীৰ কেকৰ বাস্তৱিক ফটো অপৰিহাৰ্য।

অস্পষ্ট বা অন্ধকাৰ ফটোৰ সলনি ভাল পোহৰত তোলা স্পষ্ট ফটোৱে সামগ্ৰীৰ মান উন্নত কৰি তোলে।

দোকানৰ সন্মুখভাগৰ এখন ফটফটীয়া ছবি মেপত ৰাখক যাতে নতুন গ্ৰাহকে ৰাস্তাৰ পৰাই দোকানখন চিনি পায়।